BAKI,TurkicWorld,Yusif Şərifzadə
İsrailin pilotsuz uçuş aparatı (PUA) ilə Qəzza zolağının şimalına endirdiyi zərbə nəticəsində azı bir nəfər həlak olub.
TurkicWorld xəbər verir ki, bu barədə Əl-Şifa Xəstəxanasındakı mənbə məlumat verib.
Məlumata görə, hücum Qəzza zolağının şimalındakı Beyt Lahiyə şəhərində baş verib.
Xəstəxana mənbəsi zərbə nəticəsində azı bir nəfərin öldüyünü bildirib. Hadisə nəticəsində yaralananların olub-olmaması barədə isə məlumat verilməyib.
İsrail ordusu hücumla bağlı hələlik rəsmi açıqlama verməyib.
Hadisə ilə bağlı məlumatlar müstəqil mənbələr tərəfindən hələlik təsdiqlənməyib.
