BAKI,TurkicWorld,Yusif Şərifzadə
Ərəb Liqasının yeni baş katibi Nəbil Fəhmi İsrailin onun işğal altındakı İordan çayının qərb sahilində yerləşən Ramallah şəhərinə səfərinə mane olduğunu bildirib.
TurkicWorld xəbər verir ki, bu səfər Nəbil Fəhminin bu ay vəzifəyə başlamasından sonra ilk xarici səfəri olmalı idi.
Ərəb Liqasının katibliyinə Fələstin rəsmiləri tərəfindən İsrail işğalçı hakimiyyətinin Nəbil Fəhminin işğal altındakı Fələstin ərazilərinə səfərini rədd etdiyi barədə məlumat verilib. Səfər çərçivəsində onun Ramallahda Fələstin Prezidenti Mahmud Abbasla görüşü nəzərdə tutulurdu.
Mahmud Abbasın rəhbərlik etdiyi idarəetmə qurumu İsrailin 1967-ci ildən bəri işğal altında saxladığı İordan çayının qərb sahilinin bəzi hissələrini idarə edir.
Nəbil Fəhmi bildirib ki, Fələstin xalqı şəhər və qəsəbələrdə mühasirə şəraitində yaşayır, genişlənən yaşayış məntəqələri və yalnız köçkünlər üçün nəzərdə tutulan yollarla əhatə olunur. Onun sözlərinə görə, fələstinlilər İsrail dövlətinin himayəsi və təşviqi ilə hərəkət edən köçkünlərin zorakılığına məruz qalırlar.
