BAKI,TurkicWorld,Yusif Şərifzadə
İran ABŞ ilə müharibədən sonra Hörmüz boğazındakı mövqeyini daha da gücləndirib. Təhlilçilər hesab edirlər ki, son diplomatik təşəbbüslərə baxmayaraq, Tehran boğaz üzərində təsir imkanlarını qoruyub saxlayır.
TurkicWorld xəbər verir ki, London Kral Kollecinin təhlükəsizlik məsələləri üzrə müəllimi Rob Qayst Pinfold bildirib ki, müharibədən əvvəl hər gün Hörmüz boğazından təxminən 125 gəmi keçirdisə, hazırda bu göstərici xeyli aşağı olaraq qalır. Onun sözlərinə görə, əldə olunan çərçivə razılaşması İranın boğaz üzərində nəzarətini zəiflətməyib.
Təhlilçi hesab edir ki, Fars körfəzi ölkələri İranla ABŞ arasında müharibədən əvvəl də alternativ ticarət marşrutları axtarırdılar. Müharibədən sonra isə bu istiqamətdə fəaliyyət daha da sürətlənib.
Bununla belə, Rob Qayst Pinfoldun fikrincə, İran bölgədə öz mövqeyini möhkəmləndirməyə nail olub və yaranmış vəziyyət onun xeyrinə dəyişib.
O bildirib ki, gəmiçilik şirkətləri yeni reallığı nəzərə almağa məcburdurlar və Hörmüz boğazında İranın təsir imkanları əvvəlkindən daha güclü görünür.
