BAKI,TurkicWorld,Yusif Şərifzadə
İran Xarici İşlər naziri Abbas Əraqçi BMT-nin Beynəlxalq Atom Enerjisi Agentliyinin idarə heyətinə üzv olan ölkələrin nazirlərinə müraciət edərək nüvə müfəttişliyi institutunun ABŞ-ın siyasi alətinə çevrilməməsini tələb edib.
TurkicWorld xəbər verir ki, Əraqçi ABŞ tərəfindən hazırlanmış BMT qətnaməsini İranın nüvə proqramına qarşı siyasi motivli və qeyri-səmimi adlandırıb. O bildirib ki, ABŞ hazırkı böhran üçün məsuliyyət daşıyır və agentliyi ölkəyə qarşı qanunsuz tədbirlərin əsaslandırılması üçün istifadə etməsinə imkan verilməməlidir.
İdarə heyətinin rüblük iclası Vyanada keçirilir və ABŞ-ın hazırladığı qətnamə layihəsi müzakirə olunacaq. Ekspertlər qeyd edir ki, bu vəziyyət həm beynəlxalq diplomatiya, həm də nüvə təhlükəsizliyi baxımından mühüm əhəmiyyət daşıyır.
