BAKI, TurkicWorld
ABŞ Dövlət Departamenti, Filippinə 20 ədəd F-16 qırıcı təyyarəsinin satışını təsdiqləyib.
TurkicWorld AzerVoice-ə istinadən xəbər verir ki, bu, Manila və Pekin arasında Cənubi Çin dənizi ilə bağlı gərginliyin artdığı bir dönəmdə baş verir.
Sövdələşmə 5,58 milyard dollar dəyərində döyüş təyyarələri və müvafiq avadanlıqları əhatə edir. Dövlət Departamenti, Filippinin Cənub-Şərqi Asiyada siyasi sabitlik, sülh və iqtisadi tərəqqi üçün mühüm rol oynayan strateji tərəfdaş olduğunu vurğulayaraq, bu satışın Filippinin təhlükəsizliyini artırmaq məqsədi daşıdığını bildirib.
Bu addım, ABŞ-ın regionda sabitliyi təmin etməyə yönələn siyasətinin bir hissəsidir.
