Bakı. TurkicWorld
Bayden administrasiyası İsrailə Qəzzada humanitar vəziyyətin yaxşılaşdırılması üçün tələb göndərib.
TurkicWorld-un məlumatına görə,ABŞ Dövlət katibi Antoni Blinken və müdafiə naziri Lloyd Ostin tərəfindən yazılmış məktub İsrailin müdafiə naziri Yoav Qallant və strateji işlər naziri Ron Dermerə ünvanlanıb. Məktubda İsrailə 30 gün ərzində hərəkətə keçmək tələb olunur, əks halda ABŞ-ın xarici hərbi yardımla bağlı qanunlarını pozma riski yaranacaq və bu, İsrailin hərbi yardım təminatını təhlükəyə sala bilər.
ABŞ qanunvericiliyinə əsasən, Dövlət və Müdafiə departamentləri İsrailin yardım axınına məhdudiyyət qoymamaq barədə verdiyi vədlərə sadiqliyini davamlı olaraq qiymətləndirməlidir.
İsrail üçün son tarix ABŞ-da keçiriləcək prezident seçkilərindən sonra, 5 noyabra təyin edilib.
