Bakı, TurkicWorld
Vaşinqton administrasiyası hesab edir ki, Yaxın Şərqdəki bütün tərəflər gərginliyi azaltmaq üçün tədbirlər görməlidir.
TurkicWorld -in məlumatına görə, bu barədə ABŞ dövlət katibi Antoni Blinken Vaşinqtonda Avstraliyanın xarici işlər naziri Penni Vonq ilə görüşdə deyib.
"Sadə bir mesaj göndərmək üçün demək olar ki, gecə-gündüz intensiv diplomatik fəaliyyətlə məşğul oluruq: bütün tərəflər eskalasiyadan çəkinməlidir. Bütün tərəflər gərginliyi azaltmaq üçün addımlar atmalıdır", - deyə o bildirib.
A.Blinken qeyd edib ki, eskalasiya heç kimin maraqlarına cavab vermir: "Bu, yalnız yeni münaqişələrə, zorakılığa, təhlükəsizliyin olmamasına səbəb olacaq".
