Bakı. TurkicWorld:
İsrail ordusu Qəzza zolağının cənubundakı döyüşlərdə taktiki fasilə verildiyini açıqlayıb.
TurkicWorld-un məlumatına görə, bu barədə "АВС" televiziya kanalı xəbər verib.
Məlumata əsasən, hərbçilər bildiriblər ki, Rafah bölgəsində fasilə hər gün yerli vaxtla səhər saat 8-dən axşam saat 7-yə qədər növbəti xəbərdarlığa qədər qüvvədə olacaq.
Fasilə verilməsində məqsəd humanitar yardım daşıyan yük maşınlarının "Kerem-Şalom" keçid məntəqəsindən keçməsini təmin etməkdir.
Qeyd olunub ki, İsrail tərəfi BMT və beynəlxalq yardım agentlikləri ilə fasilənin tətbiqi ilə bağlı razılığa gəlib.