Bakı. TurkicWorld:
Yaponiya 2022-ci ilin fevralından Ukraynaya 7 milyard dollar yardım edib.
TurkicWorld-un məlumatına görə, bu barədə Ukraynanın müdafiə naziri Rustem Umerov Sinqapurda keçirilən "Şanqri-La Dialoqu" forumu çərçivəsində yaponiyalı həmkarı Minoru Kihara ilə görüşündən sonra bildirib.
O bildirib ki, danışıqlar zamanı Ukrayna üçün ərazilərin minalardan təmizlənməsi, istehkamlar üçün avadanlıq və təcili yardım maşınlarının verilməsi məsələləri müzakirə olunub:
"2022-ci ilin fevral ayından Yaponiya Ukraynaya humanitar layihələr və qeyri-öldürücü hərbi texnikanın verilməsini əhatə edən 7 milyard dollardan çox yardım edib".
