Bakı. TurkicWorld:

Tarkanın həyatı:

Tarkan Tevetoğlu 17 oktyabr 1972-ci ildə Əli və Neşe Tevetoğlu cütlüyünün oğlu olaraq dünyaya gəlib. Əslən Rizeden İkizdərədən olan Tarkan Qərbi Almaniyanın Reynland-Palatina əyalətində anadan olub və uşaqlığını burada keçirib. Neşe Tevetoğlu oxuduğu karikatura personajından təsirlənərək oğlunun adını Tarkan qoyub. Ümumilikdə altı övladı olan Tevetoğlu ailəsi 1986-cı ildə Türkiyəyə gələrək Kocaelidə məskunlaşıb. Gənc yaşlarından musiqiyə olan marağı səbəbindən Tarkan, Karamürsel İrəli Musiqi Dərnəyində bədii musiqi təhsili almağa başlayıb.

Sonrakı illərdə Tarkan musiqi təhsilini Üsküdar Musiqi Cəmiyyətində davam etdirib. Müxtəlif məkanlarda da çıxış edən müğənni orta məktəbi bitirdikdən sonra universitetdə istədiyi ixtisasa qəbul ola bilməyincə Almaniyaya qayıtmaq qərarına gəlib. Almaniyaya getməyi planlaşdırarkən İstanbul Plak şirkətinin sahibi Mehmet Söğütoğlu ilə tanış olub və albom müqaviləsi imzalayıb. Tarkanın musiqi karyerası belə başlayıb.

Hazırda 49 yaşı olan məşhur müğənni Pınar Dileklə 29 aprel 2016-cı ildə ailə həyatı qurub. 12 iyul 2018-ci ildə ata olan Tarkanın Liya adlı qızı var.

Tarkanın musiqi karyerası:

Tarkanın ilk albomu "Yine sensiz" 26 dekabr 1992-ci ildə çıxıb. Kaset şəklində satılan albomda üç mahnının sözlərini özü yazıb. Hər üç mahnını bəstələyən Tarkan "Kıl oldum" mahnısı ilə debüt edib. 18 iyun 1993-cü ildə o, alboma üç fərqli versiya əlavə edərək yenidən CD olaraq buraxıb. Albom ümumilikdə 700 min nüsxə satılıb.

Tarkanın ikinci albomu "Acayıpsın" 1994-cü ildə Türkiyədə, 1996-cı ildə Almaniyada, 1998-ci ildə isə Rusiyada işıq üzü görüb. 1995-ci ildə birinci Kral TV Video Musiqi Mükafatlarında Ən Yaxşı Pop Musiqisi üzrə kişi müğənnisi mükafatına layiq görülüb. Albom 2,5 milyon nüsxə satılıb. Həmin albomdakı “Hepsi senin mi” mahnısı ən yaxşı söz, ən yaxşı bəstə və ən yaxşı mahnı mükafatlarını qazanıb. Həmin dövrdə Tarkan ABŞ-da məskunlaşıb.

Tarkan 1997-ci ildə özünün "Hitt Music" plak albomunu qurub və üçüncü albomu "Ölürüm Sana" da həmin il işıq üzü görüb. Digər albomlarda olduğu kimi, onun bir çox sözləri və bəstələri özünə məxsus olub. Amma xüsusilə "Şımarık" mahnısı beynəlxalq şöhrət qazanıb. Belçikada birinci, Norveçdə ikinci, Hollandiya, İsveçrə, Fransa və İsveç kimi ölkələrdə isə üçüncü yerə yüksəlib. Onu bir çox xarici müğənnilər də oxuyub.

2001-ci ilin may ayında satışa çıxardığı "Kuzu kuzu" mahnısı Tarkan eyni ilin iyul ayında dördüncü albomu Karmanı çıxarıb. Bu albom da olduqca yüksək satış rekordu qırıb və bu alboma görə bir çox musiqi mükafatı alıb. 2002-ci ildə "Özgürlük içimizdə" və "Bir Oluruz Yolunda" mahnılarını buraxıb.

2003-cü ildə "Dudu" albomu çıxan Tarkan, albomunu Türkiyə ilə yanaşı Ukrayna, Yaponiya və Rusiyada da satışa çıxarıb. Bu albom həm ölkə daxilində, həm də beynəlxalq aləmdə bir çox bəyənmə qazanıb. Bu albomla 2004-cü ildə 10-cu Kral TV Video Musiqi Mükafatlarında Ən Yaxşı Pop Musiqisi üzrə kişi müğənnisi mükafatını qazanıb.

7 aprel 2006-cı ildə Tarkanın ilk ingiliscə albomu çıxıb. Türkiyədə o qədər də bəyənilməsə də, xaricdə satış rekordları qıran və musiqi hit-paradlarının zirvəsinə yüksələn albom olub. Xüsusilə Almaniya, İsveçrə və Avstriyada məşhurlaşıb və həftələrlə musiqi siyahılarında qalıb.

23 dekabr 2007-ci ildə altıncı albomu Metamorfoz albomunu çıxaran Tarkan albomdakı bütün mahnıların sözlərini özü yazıb. Onlardan yeddisini özü bəstələyib. O, albomu iki disk şəklində buraxıb, onlardan birində treklərin yalnız remiks versiyaları var idi. Albomda dünyaca məşhur DJ Tiestonun da remiks prodüseri kimi yer alması musiqi dünyasının diqqətini çəkib. Albom 200 min nüsxə satılıb.

Tarkan 2010-cu ilin iyulunda yeddinci albomu olan "Adını Kalbime Yaz"ı buraxıb. Ümumilikdə 355 min ədəd satılan albom bir çox kateqoriyada mükafata layiq görülüb. 2011-ci ildə aparılan araşdırmaya görə, türk istifadəçilərin Google-da ən çox axtarılan sənətçi olduğu açıqlanıb. O, hazırladığı albomlarla yanaşı bir çox sənətçinin albomlarında da qonaq sənətçi kimi iştirak edib.

11 mart 2016-cı ildə doqquzuncu albomu Ahde Vefa-nı çıxaran Tarkan, bu alboma yalnız Türk Sənət musiqisi parçaları daxil edib. Bu albom satışının ilk həftəsində 170 min satış rekordu qırıb.

15 iyun 2017-ci ildə 10 adlı onuncu albomunu buraxıb. 14 mahnıdan ibarət albomda "Yolla" mahnısına klip çəkdirib.

Nəhayət, 17 fevral 2022-ci ildə "Geççek" sinqlı ilə yeni mahnısını təqdim edib.

Albomları:

Yine Sensiz (1992)

Aacayipsin (1994)

Ölürüm Sana (1997)

Karma (2001)

Come Closer (2006)

Metamorfoz (2007)

Adımı Kalbine Yaz (2010)

Ahde Vefa (2016)

10 (2017)