Bakı, TurkicWorld:
Qazaxıstan Fövqəladə Hallar Nazirliyinin əməliyyat qrupu Türkiyənin zəlzələ bölgəsində axtarış-xilasetmə əməliyyatlarını başa çatdırıb.
TurkicWorld-un məlumatına görə fevralın 7-dən 19-dək zəlzələ ərazisindəki iş görən Qazaxıstanın axtarış- xilasetmə qrupları bu gün vətənə geri qayıdıb.
Əməliyyat qrupunun tərkibinə 100 mütəxəssis, təcili tibbi yardım mərkəzinin səhiyyə işçiləri daxildir.
Əlavə olaraq bildirək ki, Qazaxıstan xilasediciləri dağıntılar altından 7 nəfəri sağ , 88 nəfərin isə cansız bədənini çıxarıb. Onlar həmçinin 200 yerli sakinə, o cümlədən 30 uşağa tibbi və psixoloji yardım göstəriblər.
Xatırladaq ki, fevralın 6-da Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.Zəlzələ nəticəsində həlak olanların sayı 41 020 nəfərə çatıb.
