BAKI,TurkicWorld
DEM partiyası PKK terror təşkilatının lideri Abdullah Öcalan ilə görüşmək üçün İmralıya gedir.
TurkicWorld xəbər verir ki, DEM Partiyası ziyarətlə bağlı verdiyi açıqlamada, partiya heyətinin İmralı adasına doğru yola çıxdığını və məqsədin PKK terror təşkilatının lideri Abdullah Öcalanla görüş olduğunu bildirib.
DEM Partiyası, 2024-cü ilin sonlarından etibarən İmralı adasına bir neçə dəfə nümayəndə heyəti göndərmişdir. Bu səfərlərin məqsədi, PKK lideri Abdullah Öcalan ilə görüşərək, terrora son verməkdir.
İlk səfər – 28 dekabr 2024-cü il: Bu tarixdə İmralıya gedən heyətdə Pervin Buldan və Sırrı Süreyya Öndər iştirak etmişdir.
İkinci səfər – 22 yanvar 2025-ci il: Eyni heyət üzvləri, yəni Pervin Buldan və Sırrı Süreyya Öndər, İmralıya ikinci dəfə səfər etmişdir.
Üçüncü səfər – 27 fevral 2025-ci il: Bu dəfə heyət genişləndirilib ( Ahmet Türk, Pervin Buldan, Sırrı Süreyya Öndər, Tülay Hatimoğulları, Tuncer Bakırhan, Cengiz Çiçek, Faik Özgür Erol).
Bu görüşmədən sonra, Abdullah Öcalan tərəfindən PKK-ya silah buraxma çağırışı edilib və bu çağırış İstanbulda keçirilən mətbuat konfransında ictimaiyyətə təqdim olunub.
Qeyd edək ki, Sırrı Süreyya Öndərin sağlamlıq problemləri səbəbilə bu səfərdə iştirak edə bilməməsi nəticəsində, heyətə Pervin Buldan və Öcalanın vəkili Faik Özgür Erol daxil edilib.
