BAKI, TurkicWorld
Antalyada Türkiyə, Bosniya və Herseqovina və Xorvatiya XİN rəhbərlərinin görüşü keçiriləcək
TurkicWorld xəbər verir ki, sabah Antalya Diplomatiya Forumu çərçivəsində Türkiyə-Bosniya və Herseqovina-Xorvatiya Üçtərəfli Məşvərət Mexanizmi toplantısı baş tutacaq.
Görüşdə Türkiyənin xarici işlər naziri Hakan Fidan, Bosniya və Herseqovinanın xarici işlər naziri Elmedin Konakoviç və Xorvatiyanın xarici və Avropa işləri naziri Qordan Qrliç Radman iştirak edəcək.
Nazir Fidanın Serb Respublikasında separatçı hərəkətlərin qəbuledilməz olduğunu vurğulaması və Bosniya və Herseqovinanın ərazi bütövlüyünə dəstək mesajı verməsi gözlənilir.
Qeyd edək ki, 2010-cu ildən fəaliyyət göstərən mexanizm Balkanlarda əməkdaşlıq və sabitliyə töhfə verməyi hədəfləyir. Türkiyə həmçinin Bosniyada sülhməramlı proseslərdə fəal rol oynayır və EUFOR Althea qüvvələrinə AB xaricindən ən çox əsgər göndərən ölkədir.
