Bakı. TurkicWorld:
Türkiyə prezidenti Rəcəb Tayyib Ərdoğan İstanbulda baş verən yanğınla bağlı daxili işlər naziri Əli Yerlikayadan məlumat alıb.
TurkicWorld xəbər verir ki, hadisə ilə bağlı Türkiyə daxili işlər naziri Ali Yerlikaya X sosial media hesabında paylaşım edib.
"İstanbulda baş verən yanğınla bağlı araşdırma başladılıb. Həyatını itirənlərə Allahdan rəhmət, yaralılara şəfa diləyirəm. Məlumatları ictimaiyyətlə paylaşmağa davam edəcəyik", - deyə Yerlikaya vurğulayıb.
Qeyd edək ki, bu gün İstanbulda 16 mərtəbəli binada baş verən yanğın nəticəsində 15 nəfər həyatını itirib, 7-si ağır olmaqla 8 nəfər xəsarət alıb.