Bakı. TurkicWorld:
İstanbulda Türkiyənin birinci xanımı Əminə Ərdoğanın himayəsi altında dövlət və hökumət başçılarının həyat yoldaşlarının iştirakı ilə beynəlxalq görüş keçiriləcək.
TurkicWorld-un məlumatına görə, bu barədə Türkiyə prezidenti Rəcəb Tayyib Ərdoğan məlumat verib.
“Bu yolla güclü həmrəylik olacaq. Qəzzalı bacı-qardaşlarımızın əzablarını yüngülləşdirmək üçün birlik nümayiş etdiriləcək",- deyə Ərdoğan bildirib.
Xatırladaq ki, oktyabrın 7-də HƏMAS İsrail əleyhinə "Əqsa Tufanı" əməliyyatına başlayıb. Buna cavab olaraq, İsrail Qəzzada hərbi əməliyyatlara başlayıb.
İsrailin Qəzza zolağına hücumu nəticəsində ölənlərin sayı 10 min 569 nəfərə çatıb.
Aytac Süleymanova
