Bakı. TurkicWorld:
Türkiyənin Milli Kəşfiyyat Təşkilatı (MİT) İstanbulda İsrail Milli Kəşfiyyat Xidməti MOSSAD-ın cəsus şəbəkəsinə qarşı əməliyyat keçirib.
TurkicWorld xəbər verir ki, İsrail Milli Kəşfiyyat Xidməti MOSSAD-da işlədiyi müəyyən edilən yeddi nəfər İstanbulda saxlanılıb.
Qeyd olunur ki, MİT İstanbul Regional İdarəsinin Əks-Kəşfiyyat bölmələri MOSSAD-ın Türkiyədəki kəşfiyyat fəaliyyətlərini aylarca addım-addım təqib edib.
MOSSAD-ın Türkiyədə yaşayan əcnəbiləri uzaqdan onlayn marşrutlaşdırma texnikasından istifadə edərək izlədiyi müəyyən edilib.
İstanbul Polis İdarəsinin Terrorla Mübarizə Şöbəsinin təşkil etdiyi siyasi və hərbi casusluq əməliyyatında tutulan yeddi nəfər dindirilərkən MOSSAD-a işlədiklərini etiraf edib.
MİT-in əldə etdiyi məlumata görə, MOSSAD kəşfiyyat və izləmə qabiliyyətinə malik şəxsləri xüsusi olaraq seçərək xaricdə öyrədib.
MİT, həmçinin MOSSAD-ın kəşfiyyat məlumatı toplamaq və SİHA-larla əməliyyatın keçiriləcəyi yerləri müəyyən etmək üçün İstanbulda cəlb etdiyi ərəbəsilli casusları ilk növbədə Livan və Suriyaya göndərdiyini müəyyən edib.
Məlumat üçün qeyd edək ki, saxlanılanlardan ikisi türkdür.
