Bakı. TurkicWorld:

Türkiyənin İvrindi Rayon Milli Təhsil Müdirliyinə bağlı uşaq bağçasında təhsil alan balaca şagirdlər müəllimlərinin müşayiəti ilə Balıkesir Universiteti Baytarlıq Fakültəsi Anatomiya Bölümü Laboratoriyasını və Baytarlıq Anatomiya Muzeyini ziyarət etdilər.

TurkicWorld-un rəsmi media sponsoru olduğu Balıkesir Universitetinin (BAUN) Baytarlıq Fakültəsi Anatomiya Fundamental elm sahəsi Müəllimi Prof. Dr. Şükrü Hakan Atalgın ziyarətə gələn şagirdlərə skeletlər, balzamlama və maketlər kimi tədris və tətbiq materiallarının da yer aldığı laboratoriya və muzeylə aparılan işlər haqqında məlumat verib.

Proqramda iştirak edən balaca şagirdlər də fakültənin sinif otaqlarını və auditoriyalarını, o cümlədən muzeydəki laboratoriya və proqramı yaxından görmək imkanı qazanıb, onları maraqlandıran suallara cavab alıblar.