Bakı TurkicWorld
Türkiyə Prezidenti Rəcəb Tayyib Ərdoğan prezident seçkilərinin ikinci tur öncəsi, Adıyaman və Kahramanmaraşda zəlzələdən zərərçəkənlərlə görüşəcək.
TurkicWorld xəbər verir ki, Ərdoğan ilk olaraq Adıyamana gedəcək.
Prezident daha sonra 6 fevral zəlzələlərinin episentri olan Kahramanmaraşı ziyarət edəcək.
Qeyd edək ki, Ərdoğan mayın 21-də zəlzələdən zərərçəkmiş vilayətlər olan Hatay və Qaziantepə də səfər edəcək.
Məlumata görə, sabah Defne Dövlət Xəstəxanasının açılış mərasimi keçiriləcək. Martın 24-də Hatayda təməli qoyulan 300 çarpayılıq xəstəxanın tikinti işləri tamamlanıb. Ölkə başçısı Rəcəb Tayyib Ərdoğanın iştirakı ilə Defne Dövlət Xəstəxanası istifadəyə veriləcək.
Xatırladaq ki, fevralın 6-da Türkiyədə səhər saatlarında 7.7 və 7.6 bal gücündə iki zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Zəlzələ nəticəsində ölənlərin sayı 50 min 783-ə çatıb.
Mehriban Xəlilli
Twitter: @MXalilbekova