Bakı, TurkicWorld
Gürcüstanda yaşayan və fəaliyyət göstərən sazbənd, aşıq Bafəli Adıgözəlov Azərbaycan mədəniyyətinin xarici ölkələrdə təbliğinə verdiyi töhfəyə görə "Diaspor fəaliyyətində xidmətə görə" medalı ilə təltif olunub.
TurkicWorld xəbər verir ki, bu barədə Diasporla İş üzrə Dövlət Komitəsi məlumat yayıb.
Bildirilib ki, Diasporla İş üzrə Dövlət Komitəsinin sədr müavini Vaqif Seyidbəyov Komitədə soydaşımızla görüşərək medalı ona təqdim edib.
Fəaliyyətinə verilən yüksək qiymətə görə Azərbaycan dövlətinə dərin minnətdarlığını ifadə edən Bafəli Adıgözəlov bundan sonra da xaricdə Azərbaycan mədəniyyətinin, o cümlədən aşıq sənətinin Gürcüstanda təbliği üçün əlindən gələni əsirgəməyəcəyini söyləyib.
