Bakı, TurkicWorld
Livan vətəndaşları irimiqyaslı münaqişə riskinə qarşı ərzaq, dərman və yanacaq ehtiyatı toplamağa çalışır.
TurkicWorld xəbər verir ki, Livan vətəndaşları, gözlənildiyi kimi irimiqyaslı münaqişələr başlayarsa, əllərində olanı itirmək və ya lazım olanda ona çata bilməmək qorxusu ilə ərzaq, dərman və yanacaq ehtiyatı toplamağa çalışırlar.
Ölkə rəsmilərinin malların bir neçə ay ərzində mövcud olacağına dair verdiyi zəmanətlərə və Ümumdünya Ərzaq Proqramının beynəlxalq yardımına baxmayaraq, vətəndaşlar evdə uşaq qidası və xroniki və sağalmaz xəstəliklər üçün dərmanlar alıb saxlamağa tələsirlər. Bəzi alverçilər ərzaq məhsullarını qara bazarda satmaq üçün inhisarçılıq etdiyinə görə vətəndaşlar onları əldə etməkdə çətinlik çəkirlər.
Fransa isə böyük risklərin qarşısının necə alınacağı, regional partlayışların necə neytrallaşdırılacağını və “Livan üçün bir təhlükəsizlik şəbəkəsi”nin necə qurulacağını bütün tərəflərlə danışmaq üzrə diplomatik hərəkət edir. Elysee tərəfindən edilən açıqlamada, "Fransa, xüsusilə Mavi Xəttdə vəziyyəti sakitləşdirmək üçün diplomatik səylərə töhfə verməkdə qərarlıdır" və "Livanın sabitliyini dəstəkləmək üçün UNIFIL çərçivəsində hazır olmağa davam edəcəkləri" qeyd edilir.
