Bakı, TurkicWorld
65 gündür Qəzza zolağına yardım və tibbi ləvazimatlarının girişinin qarşısı alınır.
TurkicWorld xəbər verir ki, bu barədə hökumətin Qəzzadakı Media Ofisindən verilən yazılı açıqlamada qeyd edilib.
Açıqlamada, Qəzza zolağında quru sərhəd qapılarının bağlanmasının minlərlə uşaq, xəstə və mülki vətəndaşın həyatını təhdid etdiyi bildirilib.
Qəzza zolağının sərhəd qapılarına yüz minlərlə ton yardım və tibbi ləvazimat yığıldığı və onların bölgəyə buraxılmadığı qeyd edilib.
Qəzza hökumətinin Media Ofisi, İsrailin iyunun 17-də Rəfah Sərhəd Qapısını dağıtmasının 15 mindən çox yardım maşınının bölgəyə girməsinə mane olduğunu və yük maşınlarının gözlədiyini açıqlayıb.
Hafiz Rufizoğlu
