Bakı. TurkicWorld:

7 oktyabr 2023-cü il tarixində İsrail-Həmas münaqişəsi başlayandan indiyədək hərbi əməliyyatlar nəticəsində Qəzza zolağında yaşayan 13 mindən çox uşaq həlak olub.

TurkicWorld xəbər verir ki, bu barədə Birləşmiş Millətlər Təşkilatının Uşaq Fondunun (UNICEF) icraçı direktoru Ketrin Rassel "CBS" teleşirkətinə müsahibəsində deyib.

"İndiyədək 13 mindən çox uşaq həlak olub, bu həqiqətən dəhşətli rəqəmdir", - deyən Rassel daha min yeniyetmənin yaralandığını və ya dağıdılmış binaların altında qaldığını əlavə edib.

Qeyd edək ki, martın 17-də Fələstin anklavının Səhiyyə Nazirliyinin yaydığı məlumata görə, 2023-cü il oktyabrın 7-də hərbi əməliyyatlar başlayandan indiyədək 31,6 mindən çox fələstinli həlak olub, yaralananların sayı isə 73,6 mini ötüb.