Pakistan Azərbaycandan neft məhsullarının idxalında maraqlıdır

Pakistan Azərbaycandan neft məhsullarının idxalında maraqlıdır

Bakı. TurkicWorld:

Pakistan Azərbaycanla kreditlə neft məhsulları, yanacaq-sürtgü materiallarının (YSM) idxalı, habelə maye təbii qaz (MTQ) tədarükü ilə bağlı danışıqlar aparır.

TurkicWorld-un Geo News-a istinadən məlumatına görə, bu barədə Pakistan Energetika Nazirliyinin yüksək vəzifəli məmuru deyib.

Onun sözlərinə görə, Pakistanın neft naziri Musadiq Malikin başçılıq etdiyi nümayəndə heyəti fevralın 18-dən etibarən Bakıda səfərdədir. Səfər fevralın 23-dək davam edəcək.

Pakistan LNG Limited (PLL) şirkəti Azərbaycan Dövlət Neft Şirkəti (SOCAR) ilə hazırkı bazar qiymətlərindən aşağı qiymətə MTQ tədarükü haqqında saziş imzalamaq niyyətindədir.