Bakı, TurkicWorld
Bu həftə ərzində "Dated Brent", "Azeri LT CIF", "Azeri Light FOB Ceyhan" və "Urals" (EX NOVO) markalı xam neftin orta qiymətində artım qeydə alınıb.
TurkicWorld xəbər verir ki, Azərbaycanın "Azəri-Çıraq-Günəşli" yatağında hasil edilən "Azeri Light CIF" markalı xam neftin orta qiyməti əvvəlki həftə ilə müqayisədə 0,41 ABŞ dolları və ya 0,6% artaraq, 68,54 dollar/barel təşkil edib.
Dövr ərzində bu markalı xam neftin maksimum qiyməti 69,99 dollar/barel, minimum isə 67,63 dollar/barel olub.
Ötən həftə ərzində Türkiyənin Ceyhan limanında FOB bazası əsasında "Azeri Light" markalı xam neftin orta qiyməti 66,81 dollar/barel təşkil edib ki, bu da əvvəlki həftənin göstəricisindən 0,5 ABŞ dolları və ya 0,75% çoxdur. Sözügedən dövr ərzində bu markalı xam neftin maksimal qiyməti 68,25 dollar/barel, minimum isə 65,90 dollar/barel olub.
URALS markalı xam neftin orta qiyməti əvvəlki həftə ilə müqayisədə 1,01 ABŞ dolları və ya 1,9% artaraq, 53,17 dollar/barel təşkil edib. Həftə ərzində URALS neftinin maksimal qiyməti 53,76 dollar/barel, minimum isə 52,22 dollar/barel olub.
Ötən həftə ərzində "Dated Brent" markalı neftin orta qiyməti əvvəlki həftə ilə müqayisədə 0,33 dollar və ya 0,49% bahalaşaraq 67,67 dollar/barelə bərabər olub. Həftənin yekunlarına görə, "Dated Brent" neftinin maksimal qiyməti 68,99 dollar/barel, minimum isə 66,94 dollar/barel təşkil edib.
|
Neftin növü / tarix |
21.04.2025 |
22.04.2025 |
23.04.2025 |
24.04.2025 |
25.04.2025 |
Orta qiymət |
|
Azeri LT CIF |
- |
$69,99 |
$67,63 |
$68,01 |
$68,55 |
$68,54 |
|
Azeri Light FOB Ceyhan |
- |
$68,25 |
$65,90 |
$66,27 |
$66,82 |
$66,81 |
|
Urals (EX NOVO) |
- |
$53,76 |
$52,22 |
$53,11 |
$53,59 |
$53,17 |
|
Dated Brent |
- |
$68,99 |
$66,94 |
$67,24 |
$67,50 |
$67,67 |
Qeyd edək ki, 18-21 aprel tarixləri Böyük Britaniyada rəsmi olaraq bayram günlərinə təsadüf etdiyindən həmin tarixlərdə birjalar işləməyib. Bu səbəbdən də neft qiymətləri açıqlanmayıb.
