Bakı. TurkicWorld:

bp-nin əməkdaşlarının heç biri Türkiyədəki zəlzələ nəticəsində zərər çəkməyib.

TurkicWorld-un məlumatına görə, bu barədə bp-nin Azərbaycan, Gürcüstan və Türkiyə üzrə prezidenti Qeri Cons bp-nin gələcək planlarına həsr edilmiş brifinqdə deyib.

"bp Türkiyəni dəstəkləyib və dəstəkləməyə davam edir. "bp foundation" Türkiyəyə maliyyə yardımı qismində 5 milyon dollar ayırıb. Biz hazırda şirkət əməkdaşlarından ianələrin toplanması üçün yeni kanalların yaradılması üzərində çalışırıq, bp təbii fəlakətin nəticələrinin aradan qaldırılması üçün də bir o qədər vəsait ianə edəcək. Maliyyə yardımı ilə yanaşı biz Türkiyəyə lazımi hər bir dəstəyi verməyə hazırıq", - o deyib.

Xatırladaq ki, fevralın 6-da Türkiyənin Kahramanmaraş vilayətinin Pazarcık rayonunda 7,7 bal, Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Həmçinin Türkiyədə bir həftəlik matəm elan olunub.