Bakı. TurkicWorld:
Türkiyədə qurulan şirkətlərin sayı may ayında əvvəlki aya görə 57,3 % artaraq 10 min 72, bağlanan şirkətlərin sayı isə 49,2% artaraq 2 min 759-a çatıb.
TurkicWorld xəbər verir ki, Türkiyə Palatalar və Birjalar Birliyi (TOBB) may ayı üçün qurulan və bağlanan şirkətlərin statistikasını açıqlayıb.
Məlumata görə may ayında qurulan şirkətlərin sayı aprel ayına görə 57,3% artaraq 6 min 405-dən 10 min 72-yə yüksəlib. Eyni dövrdə bağlanan şirkətlərin sayı isə 49,2 faiz artaraq 2759-a çatıb. Aprel ayında isə 1849 şirkət bağlanıb.
Qeyd edək ki, ötən ilin eyni ayı ilə müqayisədə may ayında qurulan şirkətlərin sayı 0,3 faiz, bağlanan şirkətlərin sayı isə 37,5 faiz artıb.
