Bakı. TurkicWorld:
MÜSİAD Azərbaycanın təşkilatçılığı ilə Xaçmaz rayonunda iftar proqramı keçirilib.
Bu barədə TurkicWorld-a MÜSİAD Azərbaycandan bildirlib.
Proqramda Azərbaycan Milli Məclisinin deputatı Sevil Mikayılova, Xaçmaz Rayon İcra Hakimiyyətinin başçısı Elnur Rzayev iştirak ediblər.
Proqramdan əvvəl MÜSİAD Azərbaycan İdarə Heyəti sədri Rəşad Cabirli, MÜSİAD İdarə Heyətinin üzvü, Avrasiya və Sakit Okean Region Koordinatoru Mustafa Özgür Yücel, MÜSİAD İsveçrə Sədri Şeref Yıldızın rəhbərliyi altında Azərbaycanda işgüzar səfərdə olan iş adamları heyəti Xaçmaz Rayon İcra Hakimiyyətinin başçısı və Millət Vəkili Sevil Mİkayılova ilə görüşüblər.
Proqramda çıxış edən Xaçmaz İcra Baçşısı Elnur Rzayev MÜSİAD Azərbaycanın təşkil etdiyi iftar proqramına görə minnətdarlığını bildirib. O, Türkiyə ilə Azərbaycan arasında birlik və həmrəyliyin önəmini vurğulayaraq, şəhid və qazilərə də toxunaraq, "Şəhidlərimizi və qazilərimizi hər zaman rəhmətlə yad edirik. Onların fədakarlığı Türkiyə və Azərbaycanın birlik və həmrəylik ruhunu daha da gücləndiyini vurğulayıb.
MÜSİAD Azərbaycan İdarə Heyətinin sədri Rəşad Cabirli çıxışında MÜSİAD-ın missiyasını vurğulayıb: "MÜSİAD iş dünyasının dinamik və əhəmiyyətli bir parçasıdır. Məqsədimiz sahibkarlıq ruhunu canlandırmaq, iş dünyasının inkişafına töhfə vermək və Türkiyə ilə Azərbaycan arasında qardaşlıq əlaqələrini gücləndirməkdir. Bu mənada Axıska Türkləri "Şəhidlərimizi və qazilərimizi, xüsusilə də şəhidlərimizi və onların fədakarlıqlarını anmaq bizim üçün son dərəcə əhəmiyyətlidir. Bu proqramlar Türkiyə və Azərbaycanın bir araya gələrək güclü iqtisadi əməkdaşlıq yaratmasına imkan verir.”
MÜSİAD Azərbaycan İdarə Heyətinin sədri Rəşad Cabirli çıxışında qonaqlara təşəkkür edib və MÜSİAD Azərbaycan haqqında məlumat verib.
Görüş zamanı, Ö.Yücel, çıxışında bunları söylədi: "Türk millətinin və dövlətinin qüdrəti tarix boyu nümayiş etdirdiyi əzm və birlik ruhu ilə rəmzidir. Nəhayət, Qarabağ zəfəri, bu gücün ən önəmli nümunələrindən biridir. Bu zəfər türk zəfəridir. Millətinin həmrəyliyini və əzmini bütün dünyaya göstərdi. Biz Türkiyə və Azərbaycan olaraq bu qələbədən qürur duyuruq və birlikdə daha güclü sabaha doğru irəliləyirik".
İftar Proqramda MÜSİAD Azərbaycanın İdarə Heyəti ilə birlikdə üzvləri, şəhid ailələri, axıska türkləri və rayon sakinləri iştirak edib.
MÜSİAD Azərbaycan İdarə Heyətinin sədri və Türkiyədən gələn qonaqlar, səlahiyyətlilər proqramdan əvvəl Xaçmaz Şəhidliyini və Xaçmaz Rayon İcra Hakimiyyətini ziyarət edib.
Məlumat üçün qeyd edək ki, MÜSİAD hər il Ramazan ayında ənənəvi iftar süfrələri təşkil edir.
Xatırladaq ki, MÜSİAD-ın 81 ölkədə, 164 məntəqədə ümumilikdə 12 mindən çox üzvü, Türkiyədə isə 83 şöbəsi var. Bu il MÜSİAD-ın yaranmasından 34 il keçir.
Əlavə olaraq bildirək ki, TurkicWorld (Türk Dünyası) media platforması MÜSIAD Azərbaycanın rəsmi media partnyorudur.
