BAKI,TurkicWorld
Rusiya silahlı qüvvələrinin Kiyevə endirdiyi raket zərbəsi nəticəsində ölənlərin sayı 3 nəfərə çatıb.
“İnterfaks-Ukrayna” agentliyinin məlumatına görə, bunu Kiyevin meri Vitaliy Kliçko bildirib.
“Kiyevə edilən hücum nəticəsində paytaxtda artıq üç nəfər həlak olub”, - deyə Kliçko “Telegram” kanalında yazıb.
Merin sözlərinə görə, bundan başqa Şevçenkovski rayonunda anbar binalarına təkrar zərbə endirilib. Ərazidə güclü yanğın davam edir. Hadisə yerində fövqəladə xidmətlərin əməkdaşları çalışır.
xxx
09:55
Rusiya silahlı qüvvələri Kiyevə ballistik raketlər buraxıb.
“İnterfaks-Ukrayna”nın Kiyev Şəhər Hərbi Administrasiyasına (KŞHA) istinadən verdiyi məlumata görə, zərbə nəticəsində 2 nəfər həlak olub.
Yerli vaxtla 06:30-da qeydə alınmış raket hücumu nəticəsində bundan başqa 7 nəfərin yaralandığı bildirilir.
Bəzi Ukrayna KİV-ləri yaralı sayının 10 olduğunu yazır.
