BAKI,TurkicWorld,Yusif Şərifzadə
Qətər Xarici İşlər Nazirliyinin nümayəndəsi NATO Zirvə Toplantısı çərçivəsində alyans rəsmiləri və Türkiyə Prezidentinin müşavirləri ilə görüşüb.
TurkicWorld xəbər verir ki, Qətər Xarici İşlər Nazirliyində dövlət naziri Məhəmməd bin Əbdüləziz bin Saleh əl-Xüleyfi görüş zamanı əməkdaşlıq əlaqələri və regiondakı son prosesləri müzakirə edib. Bu barədə Doha Xarici İşlər Nazirliyi məlumat yayıb.
Görüş NATO Zirvə Toplantısının keçirildiyi Ankarada baş tutub. Tərəflər regional vəziyyət, təhlükəsizlik məsələləri və qarşılıqlı əməkdaşlığın inkişafı istiqamətində fikir mübadiləsi aparıblar.
Qətər son illərdə regional diplomatiyada və vasitəçilik təşəbbüslərində fəal rol oynayır. Bu görüş də Doha ilə NATO və Türkiyə arasında siyasi təmasların davam etdiyini göstərir.
