BAKI,TurkicWorld,Yusif Şərifzadə
ABŞ-ın Alyaska ştatında məhkəmə Dan J. Sallivanın Respublikaçılar Partiyasından olan senator Dan Sallivanla eyni ad-soyad daşımasına baxmayaraq seçki bülleteninə yenidən daxil edilməsinə qərar verib.
TurkicWorld xəbər verir ki, məhkəmə əvvəlki inzibati qərarı ləğv edib.
Qərara əsasən, Dan J. Sallivan avqustun 18-də keçiriləcək Respublikaçıların ilkin seçkilərində iştirak edə biləcək.
O, əvvəllər ABŞ Meşə Xidməti əməkdaşı və ibtidai məktəb müəllimi kimi çalışıb.
Ştatın Seçkilər Departamentinin rəhbəri Kerol Biçer daha əvvəl onun namizədliyini seçiciləri çaşdıra biləcəyi səbəbilə siyahıdan çıxarmışdı.
Respublikaçı Partiya rəsmiləri isə bu namizədliyin seçki prosesində qarışıqlıq yarada biləcəyini bildirmişdi.
