BAKI,TurkicWorld,Yusif Şərifzadə
Venesuela hökuməti ölkəyə 1600 xarici xilasedicinin gəldiyini və dağıdıcı ikiqat zəlzələdən sonra sağ qalanların axtarışının davam etdiyini açıqlayıb.
TurkicWorld xəbər verir ki, bu barədə hökumət rəsmi məlumat yayıb.
Bildirilib ki, zəlzələlər nəticəsində bu həftə 900-dən çox insan həyatını itirib.
Eyni zamanda, ən çox zərər görən La Guaira bölgəsinə girişin daha da məhdudlaşdırıldığı qeyd olunub.
Məlumata görə, La Guaira sahil zonasında ən azı 100 bina, o cümlədən çoxmərtəbəli yaşayış binaları dağılıb və ya ciddi zərər görüb.
Sakinlər və könüllülər ağır texnikanın çatışmazlığından və rəsmi qurumların məhdud iştirakından şikayətlənirlər.
