BAKI,TurkicWorld,Yusif Şərifzadə
Misir Birləşmiş Millətlər Təşkilatının (BMT) sülhməramlı qüvvələrinin yerləşdiyi cənubi Livanda baş vermiş hücumu qınayıb. Hadisə nəticəsində Serbiyadan olan bir sülhməramlı ölüb, İspaniya və El Salvadordan olan iki hərbçi yaralanıb.
TurkicWorld xəbər verir ki, Misir Xarici İşlər Nazirliyi yayımladığı bəyanatda UNIFIL qüvvələrinə qarşı hər hansı hədəfin “tamamilə rədd edildiyini” vurğulayıb və sülhməramlıların mandatına uyğun fəaliyyətlərini həyata keçirə bilməsi üçün qorunmasını tələb edib.
Kairo həmçinin Serbiyaya başsağlığı verib və yaralananların tezliklə sağalmasını arzulayıb. Hücum İsrail-Livan sərhədindəki gərginliyin davam etdiyi bir vaxtda baş verib.
