BAKI,TurkicWorld Yusif Şərifzadə
İranın Ali Rəhbəri Ayətullah Müctəba Xamenei ölkənin “cəsarətli müqavimətinin” İranı ABŞ-la qarşıdurmaya daha hazırlıqlı etdiyini bildirən bəyanat yayıb.
TurkicWorld xəbər verir ki, Fars Dilinin Qorunması Günü və şair Firdovsinin anım mərasimi münasibətilə yayımlanan bəyanatda qeyd olunub ki, İran “son Müqəddəs Müdafiə zamanı (ABŞ-sionist hücumuna qarşı) Firdovsinin əfsanəvi dastanlarının xalqın həyatında reallıq və onların qəhrəman xarakterinin təcəssümü olduğunu nümayiş etdirib”.
Xamenei vurğulayıb ki, Firdovsinin məşhur “Şahnamə” əsərində yer alan “igidlik və Quran ruhlu anlayışlar” İranın bütün etnik qruplarını və sosial təbəqələrini öz kimliklərini, müstəqilliklərini qorumaq və İran mifologiyasında şərin təcəssümü sayılan “Zəhhakabənzər” təcavüzkarlara qarşı mübarizədə birləşdirir.
