BAKI,TurkicWorld
ABŞ-ın "The Hill" qəzeti Prezident Donald Trampın İranla bağlı gərginliyi yeni müstəviyə daşıyan strateji açıqlamalarını yayıb.
TurkicWorld xəbər verir ki, prezident Tramp razılıq əldə olunmayacağı təqdirdə, ABŞ-ın hərbi müdaxilənin bütün formalarına, o cümlədən quru əməliyyatlarına hazır olduğunu bildirib.
"İranla razılıq əldə olunmayacağı təqdirdə, bu ölkəyə quru qoşunlarının göndərilməsini istisna etmirəm."-deyə o qeyd edib.
Prezident həmçinin hədəf siyahısı ilə bağlı xəbərdarlığını yeniləyərək əlavə edib ki, "Əgər İranla razılaşma baş tutmasa, vurduğumuz hədəflər siyahısından kənarda qalan heç bir infrastruktur obyekti olmayacaq."
Trampın bu sözləri ABŞ-ın İrandakı hərbi kampaniyasının yalnız hava zərbələri ilə məhdudlaşmayacağına dair ən ciddi siqnaldır. "İstisna etmirəm" ifadəsi Pentaqonun artıq quru əməliyyatları planları üzərində işlədiyini və ya bu variantın masada olduğunu göstərir. Eyni zamanda, mülki və strateji infrastrukturun (körpülər, elektrik stansiyaları, limanlar) tamamilə hədəf alınacağı barədə xəbərdarlıq rəsmi Tehrana qarşı tətbiq edilən "maksimum təzyiq" siyasətinin hərbi mərhələsinin kulminasiya nöqtəsidir.
Siyasi analitiklər hesab edirlər ki, Tramp bu bəyanatları ilə çərşənbə axşamına qədər qoyduğu ultimatumun ciddiliyini nümayiş etdirir və İran rejimini dərhal kapitulyasiyaya məcbur etməyə çalışır.
