BAKI, TurkicWorld
Türkiyənin İzmir şəhəri mərkəz olmaqla dörd müxtəlif əyalətdə həyata keçirilən əməliyyat zamanı Fətullahçı Terror Təşkilatı (FETÖ) ilə əlaqədə şübhəli bilinən 10 nəfər saxlanılıb.
TurkicWorld xəbər verir ki, İzmir Respublika Baş Prokurorluğunun Terror və Təşkilatlanmış Cinayətlər üzrə İstintaq Bürosunun apardığı araşdırmalar çərçivəsində FETÖ istintaqlarında adı hallanan, ByLock adlı şifrəli rabitə tətbiqindən istifadə etdikləri müəyyən olunan, təşkilat üzvlüyü ilə bağlı ifadələrdə adı keçən və ardıcıl axtarış üsulu ilə təşkilati əlaqələri təsbit edilən şəxslər hədəf alınıb.
Şübhəlilərdən bəzilərinin FETÖ ilə əlaqəsi səbəbilə KHK ilə bağlanan qurumlarda çalışdığı və Bank Asyadakı şübhəli maliyyə hərəkətləri də müəyyən edilib.
Saxlanılan şəxslər, İzmirin Aliağa və Karşıyaka rayonlarında, həmçinin Ərzurum, Dənizli və Kars vilayətlərində aparılan eyni vaxtlı əməliyyatlar nəticəsində ələ keçirilib.
Hazırda şübhəlilər barəsində hüquqi prosedurlar davam etdirilir. Təhlükəsizlik qüvvələri tərəfindən əməliyyatların davam etdiriləcəyi bildirilib.
