BAKI, TurkicWorld
Trampın gömrük rüsumları Kanada-ABŞ uçuşlarına mənfi təsir göstərib.
TurkicWorld AzerVoice-ə istinadən xəbər verir ki, ABŞ prezidenti Donald Trampın Kanada məhsullarına gömrük rüsumları tətbiq etməsi iki ölkə arasında ticarət müharibəsinə səbəb olub.
Nəticədə, kanadalılar ABŞ-a səyahət etməkdən çəkinir və bu da aviaşirkətlərin uçuşlarına təsir edib.
Kanadanın ən böyük hava yolu şirkəti Air Canada-nın açıqlamasına görə, 2024-cü ilin aprel-sentyabr ayları arasında Kanada ilə ABŞ arasında səyahət edənlərin sayı əvvəlki ilin eyni dövrü ilə müqayisədə 10% azalıb. Şirkətin İdarə Heyətinin sədri Vaqn Sorensen iki ölkə arasındakı gərgin münasibətlərin narahatlıq doğurduğunu bildirib.
Qeyd edək ki, geosiyasi gərginlik səbəbindən kanadalılar ABŞ-a səyahət etməməyə üstünlük verirlər. Leisure Marketing tərəfindən aparılan sorğuya əsasən, kanadalıların yalnız 9%-i ABŞ-a qoşulmaq fikrinə müsbət yanaşır. Air Canada isə artan tələbat səbəbindən Avropa istiqamətində yeni uçuşlar əlavə etdiyini elan edib.
