Bakı, TurkicWorld
İran qanuni hüquqa əsasən və İran və regionun təhlükəsizliyi və sülhü məqsədilə İsrailin hücumlarına qətiyyətli cavab verdi.
TurkicWorld-un məlumatına görə, bunu İran prezidenti Məsud Pezeşkian "X" sosial şəbəkəsindəki hesabında paylaşımında bildirib.
İran prezidenti qeyd edib ki, bu addım İranın mənafei və vətəndaşlarının müdafiəsi istiqamətində idi.
"İran müharibə tərəfdarı deyil, lakin hər bir təhdid qarşısında qətiyyətli şəkildə dayanır. Bu, bizim gücümüzün sadəcə bir hissəsidir. İranla müharibəyə girməyin", - deyə İran prezidenti bildirib.
Qeyd edək ki, bu gün İran İslam İnqilabı Keşikçilər Korpusu (SEPAH) İsrailə onlarla ballistik raket atdığını elan edib.
