Bakı. TurkicWorld:
Özbəkistanın 2024-cü ilin yanvar-fevral aylarında polietilen ixracı 2023-cü ilin müvafiq dövrü ilə müqayisədə 13% artıb.
TurkicWorld xəbər verir ki, bu barədə Özbəkistanın Statistika Agentliyi bildirib.
Məlumata görə, 2024-cü ilin yanvar-fevral aylarında Özbəkistan xaricə 34 milyon dollar dəyərində 42,8 min ton polietilen ixrac edib.
Polietilen ixracı 2023-cü ilin müvafiq dövrü ilə müqayisədə 4,9 min ton artıb.
2024-cü ilin ilk iki ayında Özbəkistanın ən çox polietileni ixrac etdiyi ölkələr:
1. Türkiyə – 23 min ton;
2. Latviya – 5,6 min ton;
3. Çin – 4,4 min ton;
4. Rusiya – 4,3 min ton;
5. Qazaxıstan – 4,1 min ton.
Qeyd edək ki, iki ayda Özbəkistan doqquz ölkəyə polietilen ixrac edib.
Hafiz Rufizoğlu
