Bakı. TurkicWorld:
Özbəkistanın Namanqan şəhərində Qırğızıstan Respublikası və Özbəkistan Respublikası hökumət nümayəndə heyətlərinin işçi qruplarının növbəti iclası keçirilib.
TurkicWorld xəbər verir ki, görüş zamanı Qırğızıstan-Özbəkistan dövlət sərhədinin demarkasiyası məsələləri müzakirə olunub.
Məlumata əsasən, sahə araşdırmaları aparılıb, Qırğızıstan-Özbəkistan dövlət sərhədinin delimitasiya xəttinin həmin əraziyə keçirilməsi ilə bağlı tapşırıqlar dəqiqləşdirilib.
Daha sonra müvafiq protokol imzalanıb.
Qeyd edək ki, işçi qrupların növbəti iclası Qırğızıstan Respublikası ərazisində baş tutacaq.