Bakı, TurkicWorld:
Türkiyənin Milli Kəşfiyyat Təşkilatı (MİT) İraqın şimalında yerləşən Qara ərazisində anti-terror əməliyyatı keçirib.
TurkicWorld xəbər verir ki, əməliyyat nəticəsində PKK terror təşkilatının sözdə təlimçisi Cudi Engizek kod adlı Ahmet Gümüş zərərsizləşdirilib.
Qeyd edək ki, o, 1999-cu ildə PKK terror təşkilatına qoşulduqdan sonra Türkiyəyə qarşı bir çox terror fəaliyyətlərinin planlayıcısı və icraçısı olub. 1999-2007-ci illər arasında Qabar, Besta, Herkol, Cudi və Kato dağı bölgələrində fəaliyyət göstərib.
2016-cı ildə İraqa köçən və terror təşkilatın liderlərindən olan Murat Karayılanın mühafizəçisi olan Gümüş 2022-ci ildən etibarən İraqda Apollo Akademiyaları Komandanlığına rəhbərlik edib.
Məlumat üçün bildirək ki, PKK Amerika Birləşmiş Ştatları, Kanada, Avstraliya, Kanada kimi bir çox ölkələrin terror təşkilatları siyahısındadır. Avropa Birliyi 2004-cü ildə PKK-nı terror təşkilatı kimi tanıyıb. Bundan başqa, NATO-nun müxtəlif sənədlərində və bəyanatlarında PKK terror təşkilatı kimi qeyd olunur.
Ləman Əsədli
