Bakı, TurkicWorld:
"Thodex" kripto birjanın qurucusu Fatih Özer Albaniyada məhkəmə prosesi bitdikdən sonra Türkiyəyə gətirilib.
TurkicWorld xəbər verir ki, Türkiyəyə ekstradisiya edilən Fatih Özer paytaxt Tiranaya gedən İnterpol ofisindən xüsusi qrup tərəfindən təhvil verilib.
Qeyd edək ki, qırmızı bülletenlə axtarılan Özer avqustun 30-da Albaniyada tutulub. Elbasan Məhkəməsinin Özerin həbs müddətinin 2 sentyabrda davam etdirilməsi ilə bağlı qərarından sonra sentyabrın 14-də Özerin vəkilləri tərəfindən apellyasiya şikayəti verilib. Dıraç Apellyasiya Məhkəməsi də sentyabrın 20-də Özerin həbsi ilə bağlı qərar qəbul edib.
