Bakı. TurkicWorld:

Vaşinqton Türkiyə və Macarıstanı iki ölkə arasında bir sıra fikir ayrılıqları səbəbindən aylardır bloklanan İsveçin NATO-ya üzvlük təklifini tez bir zamanda təsdiqləməyə çağırıb.

TurkicWorld xəbər verir ki bunu ABŞ-ın Müdafiə Naziri Lloyd Austin deyib.

"Biz İsveçi tezliklə 32-ci (NATO üzvü) kimi qarşılamağı səbirsizliklə gözləyirik. Aydın olmaq üçün, bunun iyul ayında keçiriləcək (NATO) sammitindən əvvəl baş verəcəyini gözləyirik" – deyə o qeyd edib.

ABŞ-ın İsveçə dəstəyini vurğulayan Ostin ABŞ-ın Skandinaviya ölkəsindəki hərbi varlığını artırdığını bildirib.

"Bizim dərin dəstəyimizi vurğulamaq üçün İsveçlə gəmi səfərlərinin və bombardmançı qrupların missiyalarının və yüksək səviyyəli görüşlərin sayını artırıb” – deyə çıxış zamanı qeyd edib.

Məlumat üçün qeyd edək ki, iki əsrlik neytrallıq və hərbi bloklara qoşulmama dövrünü başa vuran İsveç və onun qonşusu Finlandiya 2022-ci ilin mayında Rusiyanın Ukraynaya təcavüzündən sonra NATO-ya üzv olmaq təklifini açıqlayıb.

Finlandiya aprelin 4-də NATO-nun 31-ci üzvü olmağı bacarsa da, İsveçin təklifi hələ də etirazla üzləşir.