Bakı. TurkicWorld:
Türkiyənin Milli Döyüş Təyyarəsinin (MMU) ilk uçuşu 2025-ci ildə baş tutacaq.
TurkicWorld-un məlumatına görə, bunu Türkiyənin Müdafiə Sənayesi prezidenti Prof. Dr. İsmayıl Dəmir bildirib.
“Təyyarəmizi 2030-cu ildə Hərbi Hava Qüvvələrimizə təhvil verəcəyik”. - deyə o əlavə edib.
Milli Muharip Uçak'ın ilk uçuşu
— Defence Turk (@Defence_Turk) March 25, 2023
@IsmailDemirSSB :"İlk uçuşu 2024 yılında gerçekleştireceğiz. İleri bir tarih verelim ancak sürprizlere hazırlı olun. Hava Kuvvetlerimize ise 2030 yılında teslim edeceğiz." pic.twitter.com/a3RBUqhQRr
Xatırladaq ki, 2016-cı ilin avqust ayının 5-i Müdafiə Sənayesi Rəyasət Heyətinin təşəbbüsü ilə Türk Aerokosmik Sənayesinin (TUSAŞ) əsas podratçısı tərəfindən həyata keçirilən Milli Döyüş Təyyarələri layihəsi uğurla davam edir.
Atış sınaqlarını uğurla keçən MMU-ın bu ilin mart ayının 18-də anqardan çıxış mərasimi keçirilib.
Şehitlerimizin aziz hatırasına!
— Ismail Demir (@IsmailDemirSSB) March 17, 2023
Milli Muharip Uçak’ımızı 18 Mart’ta hangardan çıkaracağız demiştik.
Uçağımız bugün pistin başında!
Cumhurbaşkanımız Sn. @RTErdogan’ın liderliğinde inşallah gök vatanımızda süzülmesine de şahit olacağız.@TUSAS_TR pic.twitter.com/cWz3q8APTl
MMU-nun texniki xüsusiyyətləri:
Qanad genişliyi: 14 metr
Uzunluğu: 21 metr
Hündürlük: 6 metr
Maksimum Sürət: 1.8 Mach (1mach= 1226,5 km/saat)
Uçuş hündürlüyü: 55,000 fut
İlkin mərhələdə 4.5-ci nəsil olaraq xarakterizə ediləcək MMU-nun son mərhələdə 5-ci nəsil statusuna çatması hədəflənir.
Hazırda ABŞ istehsalı olan F-22 və F-35 döyüş təyyarələri 5-ci nəsil döyüş təyyarələri kimi, Rusiya istehsalı olan Su-57 və Çin istehsalı olan J-20 platformaları 5-ci nəsil statusuna çatmağı hədəfləyən 4.5-ci nəsil döyüş təyyarələri olaraq xarakterizə edilir.