BAKI, TurkicWorld
Qara dənizdə aşkarlanan mina SAS qrupları tərəfindən zərərsizləşdirilib.
TurkicWorld AzerVoice-ə istinadən xəbər verir ki, Türkiyənin Milli Müdafiə Nazirliyi (MSB) Kocaelinin Kefken sahillərində mina aşkarlandığını açıqlayıb.
Mina barədə məlumat daxil olduqdan sonra Sualtı Müdafiə (SAS) qrupları bölgəyə göndərilib. Peşəkar müdaxilə nəticəsində mina təhlükəsiz şəkildə zərərsizləşdirilib. Nazirlik hadisə ilə bağlı paylaşdığı açıqlamada, əməliyyatın görüntülərini də təqdim edib.
Qeyd edək ki, Qara dənizdə mina təhlükəsi son dövrlərdə artıb və mütəxəssislər dənizdə üzən şübhəli obyektlərə qarşı ehtiyatlı olmağa çağırırlar.
