Bakı. TurkicWorld:

Türkiyə müdafiə sənayesi sahəsində ən inkişaf etmiş 10 ölkə sırasına daxil olmaq hədəfinə hər keçən gün daha da yaxınlaşır.

TurkicWorld-un məlumatına görə, bu sözləri Türkiyənin Müdafiə Sənayesi sədri Haluk Görgün deyib.

"Müdafiə sənayesi olmadan iqtisadi və siyasi müstəqillikdən danışmaq mümkün deyil. Müdafiə sənayesi bütövlükdə sənayeləşmənin və inkişafın mühüm tərkib hissəsidir. Bu gün müdafiə sənayemiz məhsulları, ixracatı, ana podratçıları, taşeronları, KOBİ'leri, araşdırma təşkilatları, universitetləri və öz orijinallığı ilə ölkəmizin ən mühüm sahələrindən biridir. Türkiyənin müdafiə sənayesi məhsul və xidmətləri həm Türkiyənin təhlükəsizlik qüvvələrinə, həm də müxtəlif coğrafiyalardakı dost və müttəfiq ölkələrin silahlı qüvvələrinə müvəffəqiyyətlə xidmət edir",- deyə Haluk Görgün qeyd edib.

O bildirib ki, ölkəmiz artıq müdafiə sənayesi sahəsində güclü bir aktora çevrilib. Hər platformada ifadə etdiyimiz kimi, ən böyük hədəfimiz müdafiə sənayesində tam müstəqil Türkiyə olmaqdır. Türkiyə Əsri çərçivəsində ölkəmizin dünyadakı mövqeyi müdafiə sənayesi sahəsində ən inkişaf etmiş 10 ölkə arasında olmaq hədəfinə addım-addım yaxınlaşırıq.

"Bilirik ki, dünya bizim müdafiə sənayesi məhsullarımızı maraqla izləyir. Qlobal güc balansının elementlərindən biri olan Türkiyə hər zaman sülh və əməkdaşlığı dəstəkləyir. Dost və müttəfiq ölkələrlə əməkdaşlığı gücləndirərək Türkiyə müdafiə sənayesinin son 20 ildə qazandığı istedad və bilikləri inkişaf etdirməyi hədəfləyirik. Biz dostlarımızın və müttəfiqlərimizin ehtiyaclarını ödəmək və problemlərini həll etmək, bir dəfə deyil, ömürlük əlaqələr qurmaq üçün çalışırıq. Biz bilirik ki, dost ölkələrlə qurulan iqtisadi əlaqələr də Türkiyənin imicinə müsbət dəstək verir. Eyni əzmlə davam etdiyimiz müddətdə qarşıdakı 10 ildə müdafiə sənayesi sahəsində dünyanın ən önəmli ölkələrindən biri olacağımıza ürəkdən inanıram”,- deyə Haluk Görgün vurğulayıb.

Haluk Görgün qeyd edib ki, müdafiə sənayesi ekosistemini gücləndirmək və davamlılığı təmin etmək və ixtisaslı işçi qüvvəsinə olan ehtiyacı ödəmək üçün Müdafiə Sənayesi Akademiyası vasitəsilə təlim infrastrukturumuzu gücləndiririk. Sektor şirkətlərinə, xüsusilə KOBİ-lərə dəstək verir, ixracın artırılması üçün tədbirlər görürük.

"Ölkəmizin qlobal güc vizyonu və müdafiə sənayesində tam müstəqil Türkiyə hədəfinə uyğun olaraq önümüzdəki dövrdə lider və yol göstərən Türkiyə üçün yüksək qabiliyyətə malik sənaye infrastrukturumuzu gücləndirəcəyik, səriştələrə əsaslanan ekosistemi genişləndirəcəyik, dizayn və inkişaf fəaliyyətlərini dəstəkləyərək yerli və milli istehsalda qabaqcıl olacağıq, innovativ, kritik və strateji texnologiyalar üzərində araşdırmalar aparacağıq",- deyə Türkiyənin Müdafiə Sənayesi sədri bildirib.