Türkiyənin ilk milli zərbə PUA-sı TEKNOFEST-də nümayiş olunacaq

Türkiyənin ilk milli zərbə PUA-sı TEKNOFEST-də nümayiş olunacaq

Bakı. TurkicWorld:

Türkiyənin ilk milli zərbə PUA-sı KARGU TEKNOFEST-də nümayiş olunacaq.

TurkicWorld-un məlumatına görə, Türk müdafiə sənayesinin aparıcı şirkətlərindən olan STM Müdafiə texnologiyaları mühəndislik və ticarət A.Ş. şirkəti, milli texnologiyaları ilə TEKNOFEST İzmirdə yerini alacaq.

Bu dəfə İzmir, Cümhuriyyətin 100-cü ildönümündə TEKNOFEST coşğusuna ev sahibliyi edəcək. Festival 27 sentyabr - 1 oktyabr 2023-cü il tarixləri arasında İzmir Çiğli Hava Limanında keçiriləcək.

STM, milli mühəndislik gücü ilə inkişaf etdirdiyi texnologiyaları TEKNOFEST İzmirdə gənclərə təqdim edəcək. MİLGEM-in Türkiyənin ilk milli freqatı olan və naviqasiya sınaqları üçün Türkiyə hərbi dəniz donanmasına təhvil verilən 5-ci gəmisi TCG İSTANBUL (F-515) və Türkiyənin ilk kiçik ölçülü milli sualtı qayığı STM 500-ün maketləri İzmirdə sərgilənəcək.

Taktiki mini pilotsuz uçuş aparatlarının (PUA) istehsalında qabaqcıl işlər həyata keçirən STM, həmçinin Türkiyənin ilk milli zərbə PUA-sı KARGU, Türkiyənin ilk sabit qanadlı mini zərbə PUA-sı ALPAGU və milli kəşfiyyatçı PUA TOGAN-ı da festivalda təqdim edəcək. festival.

Zəlzələ bölgəsində axtarış-xilasetmə işlərində aktiv rol oynayan və 50-dən çox insanın dağıntılardan xilas olmasına kömək edən STM Divar Arxasında Radar (DAR) da TEKNOFEST-də olacaq.

Aytac Süleymanova

Twitter: a_alieva_