Bakı. TurkicWorld:
Viza rejiminin liberallaşdırılması Avropa İttifaqından gözləntilərimiz arasındadır.
TurkicWorld xəbər verir ki, bu sözləri Türkiyənin xarici işlər naziri Hakan Fidan Avropa İttifaqının Qonşuluq və Genişlənmə üzrə komissarı Oliver Varhelyi ilə ortaq mətbuat konfransında çıxışı zamanı deyib.
"Aİ-dən əlaqələrimizi inkişaf etdirmək üçün lazımi iradənin göstərilməsini istəyirik. Aİ Türkiyəni danışıqlar aparan namizəd ölkə kimi görməlidir. Varhelyi ilə görüş zamanı son dövrdə vətəndaşlarımızın viza müraciətlərində yaşadıqları şikayətlərin aradan qaldırılmasını gözlədiyimizi vurğuladım", - deyə Hakan Fidan bildirib.
Qeyd edək ki, Avropa İttifaqı rəsmisi Oliver Varhelyi Aİ ilə Türkiyə arasında əməkdaşlıq danışıqları üçün bu gün Ankaraya səfər edib.
Ləman Əsədli
Twitter: lamanasadli01
