Bakı. TurkicWorld:
Azərbaycan gimnastı Nikita Simonov Antalyada (Türkiyə) keçirilən idman gimnastikası üzrə Avropa çempionatında finala yüksəlib.
TurkicWorld xəbər verir ki, Nikita Simonov halqalarda hərəkətlər üzrə təsnifatda 14,666 xal toplayaraq 6-cı yeri tutub və finala yüksəlib.
Qeyd edək ki, 11-16 aprel tarixlərində Antalyada idman gimnastikası üzrə Avropa çempionatı keçiriləcir. Yarışlarda Azərbaycanı Nikita Simonov və İvan Tixonov (kişi idman gimnastikası), Samirə Qəhrəmanova və Nazənin Teymurova (qadın idman gimnastikası) təmsil edirlər.