Bakı. TurkicWorld:
Türkiyə Respublikası Azərbaycan Universitetləri Tələbələr Dərnəyinin - AZTÜRKBİR təşkilatçılığı ilə MÜSİAD Azərbaycan dərnək mərkəzində Azərbaycanda təhsil alan Türkiyə vətəndaşlarının nümayəndələri və Türkiyənin Bakı səfirliyinin Təhsil müşaviri xanım Yurdagül Aydoğan arasında görüş keçirilib.
TurkicWorld xəbər verir ki, AZTÜRKBİR 2021-ci ildə MÜSİAD Azərbaycan təşkilatının dəstəyi və himayəsi ilə təhsil müşavirliyinin nəzarəti altında, Türkiyədən təhsil üçün gələn tələbə sədrlərinin təşəbbüsləri ilə yaradılıb.
Görüşdə Azərbaycanda təhsil alan tələbələrin sığortası, yaşayış yeri, diplomların akreditasiyası və müxtəlif problemlər və həlli təklifləri müzakirə olunub.
Yurdagül xanıma iştirakına və dəstəyinə görə təşəkkür edilib.
