Fransa hökumətini ölkədə konstitusion hüquqlara hörmət etməyə çağırırıq - Azərbaycan XİN

Fransa hökumətini ölkədə konstitusion hüquqlara hörmət etməyə çağırırıq - Azərbaycan XİN

Bakı. TurkicWorld:

Fransa hökumətini ölkədə konstitusion hüquqlara hörmət etməyə çağırırıq.

TurkicWorld-un məlumatına görə, bu barədə Xarici İşlər Nazirliyinin mətbuat katibi Ayxan Hacızadənin Fransada etiraz aksiyaları ilə bağlı yerli mətbuatın sualına cavabında bildirib.

"Sual: Məlum olduğu kimi, son günlərdə Fransa Prezidenti Emmanuel Makronun bu ölkədə qanunvericiliyə dəyişikliklər qərarı ilə bağlı etirazçılara qarşı hüquq-mühafizə orqanları tərəfindən geniş şəkildə güc tətbiq olunmaqdadır. Bu zorakılıq Avropa Şurası, Amnesty International və bir çox digər beynəlxalq insan hüquqları təşkilatları tərəfindən pislənib. Bu məsələni neçə şərh edərdiz?

Cavab: Fransada Prezident Makronun qərarı ilə əlaqədar əhalinin etirazlarına qarşı hüquq-mühafizə orqanlarının əməkdaşları tərəfindən həddindən artıq və qeyri-proporsional güc tətbiqini, bəzi hallarda etirazçılara qarşı qeyri-insani davranışları pisləyirik.

Fransa hökumətini ölkədə fikir və sərbəst toplaşma azadlığı, dinc etiraz hüququ kimi konstitusion hüquqlara hörmət etməyə çağırırıq.

Hesab edirik ki, Avropa Şurası və beynəlxalq insan hüquqları təşkilatları Fransada aşırı zorakılıq hallarının araşdırılması və bu ölkənin öhdəlikləri çərçivəsində müvafiq tədbirlərin həyata keçirilməsini tələb etməlidir," - deyə bildirilib.